الرئيسية
من طرف جـرح الفقـيرر
لاتحط بيدي الشمس وأحلامي بيد
ولا تهييج عالفقير اجروحه
ولاتكـلي بعسرك ويسرك اعيش
وانته قصرك للسمه إيمد روحه
عوفني بحـالي تـرى آنه بليـه إيـد
وأنته شباجك زحل ما لوحه
شلون ماتدري الحلم جرح الفقير
ماتشوف احلامه كـد اجروحه
روحي مذبوحه ذبح وتريد اطـير؟؟
امنين حظي إيطيير المذبوحه
لا تأملني بحجي الما جاسه ضيم
جفي دك بوب السمه المفتوحه
وحظي دك أثبات بجناح الفقيـر
لا يصعده ولا ينزله أسطوحه
انته بعدك ما نمت فوك الحصـير
وغمست لــكمت ملح بملوحه
لا تلامسني بطـرف صدرك أذوب؟،
آنه من دم و لحـم مو لوحه
ولا تمرجحني برمش عينك أخاف
آنه ماشايف رمش مرجوحه
ولا تــكلي تمرجح أشمالك تخاف
چنت اريدك للـسمه اتوديني
بس أخافن ينـكـطع رمشك واطيح
وباجر تـكلي طحت من عيني
روح دوورلـك محب يرهم علـيك
آنه قاموس العشك طاويني
ما عشـكـتك وأحنه بالطيش أستحيت
شلون أحبك من تجي تلافيني
خلني راضي بفقري وأنته أرضه بغناك
وعوف عيسى بدينه وآنه بديني
ولو خلاني الوكت بعت الـلحاف
يعني هسه بكيفي أمد رجليني
لكـن ادري بدربي عن دربك بعيد
ومن زغر هذا الفرق بـجـاني
أنته دفـاك الثـلج عـن لا تـمـوت
وآنه مييت والثلج دفاني
وأنته كاروك الذهب ماكفه أديك
وآنه كاروك الـكصب كفاني
وحته لا أحلم وأمد جفي السماك
وآنه أرضع كمطوا ذرعاني
وعن محبتك والله ماشدني الحديد
هذا رمشك يا ترف شداني
والله أحبك من زغر بس ماحـجيت؟؟
چنت أريدك تنسعد وي ثاني
ومـن اجـيت بلـهفتك تسأل عـلي
كلبي كله تمرجح بشرياني
تالي من غصبن علي كتلك نسيت؟
روح دوورلك محب ونساني
توسلت بـلساني يحجيهه وتروح
ومن رحت عني كطعت ألساني
آنه كتلك لاتجي وجي ما أجيت
راحت أبابك تدك بيباني !!!.
قصيده للشاعر نائل المظفرر ..تحياتي
ولا تهييج عالفقير اجروحه
ولاتكـلي بعسرك ويسرك اعيش
وانته قصرك للسمه إيمد روحه
عوفني بحـالي تـرى آنه بليـه إيـد
وأنته شباجك زحل ما لوحه
شلون ماتدري الحلم جرح الفقير
ماتشوف احلامه كـد اجروحه
روحي مذبوحه ذبح وتريد اطـير؟؟
امنين حظي إيطيير المذبوحه
لا تأملني بحجي الما جاسه ضيم
جفي دك بوب السمه المفتوحه
وحظي دك أثبات بجناح الفقيـر
لا يصعده ولا ينزله أسطوحه
انته بعدك ما نمت فوك الحصـير
وغمست لــكمت ملح بملوحه
لا تلامسني بطـرف صدرك أذوب؟،
آنه من دم و لحـم مو لوحه
ولا تمرجحني برمش عينك أخاف
آنه ماشايف رمش مرجوحه
ولا تــكلي تمرجح أشمالك تخاف
چنت اريدك للـسمه اتوديني
بس أخافن ينـكـطع رمشك واطيح
وباجر تـكلي طحت من عيني
روح دوورلـك محب يرهم علـيك
آنه قاموس العشك طاويني
ما عشـكـتك وأحنه بالطيش أستحيت
شلون أحبك من تجي تلافيني
خلني راضي بفقري وأنته أرضه بغناك
وعوف عيسى بدينه وآنه بديني
ولو خلاني الوكت بعت الـلحاف
يعني هسه بكيفي أمد رجليني
لكـن ادري بدربي عن دربك بعيد
ومن زغر هذا الفرق بـجـاني
أنته دفـاك الثـلج عـن لا تـمـوت
وآنه مييت والثلج دفاني
وأنته كاروك الذهب ماكفه أديك
وآنه كاروك الـكصب كفاني
وحته لا أحلم وأمد جفي السماك
وآنه أرضع كمطوا ذرعاني
وعن محبتك والله ماشدني الحديد
هذا رمشك يا ترف شداني
والله أحبك من زغر بس ماحـجيت؟؟
چنت أريدك تنسعد وي ثاني
ومـن اجـيت بلـهفتك تسأل عـلي
كلبي كله تمرجح بشرياني
تالي من غصبن علي كتلك نسيت؟
روح دوورلك محب ونساني
توسلت بـلساني يحجيهه وتروح
ومن رحت عني كطعت ألساني
آنه كتلك لاتجي وجي ما أجيت
راحت أبابك تدك بيباني !!!.
قصيده للشاعر نائل المظفرر ..تحياتي