الرئيسية
من طرف abbas_assd الأربعاء يوليو 28, 2010 7:28 amمحتاج أضمك وأترك الدمع ينساب
ويكتب على خدي بلاوي سنيني
بالحيل ميت من زمن مابه أصحاب
والكل منهم بالمصايب يجيني
ألا أنت وينك لاتعذر بالاسباب
ابيك تترك كل شي وتجيني
اكتب لغيره والقصايد تجي فيه
كن القصايد حالفه ماتخونه
يمكن لو يلمس الجرح بيديه
يستغرب ان اللي لمسها طعونه
تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي
جى يشوف الحال كيفه بعد ما هزه حنينه ..
وقبل يسألني سألته كيف حالك يالحبيب ؟
قال انا كني غريب مضيع دروب المدينه ..
قلت انا كني مدينه تنتظر رجعة غريب
مديت يدي يمها وصافحتني
وليتي سلمت ولا لها اليد مديت
حسيت انا في شيء يوم امسكتني
شيء كما الكهرب نتلني وفزيت
ليه تطعني وانا ميت بليا ؟
ماكفاك اللي حصللي قبل ساعه ؟
كن بين همومي وبينك حميا ..
جيتكم واحد وجيتوني جماعه ..
انت منا والمصايب من هنيا ..
كلكم ضدي ترى ماهي شجاعه !!
أبي وعد..ما احتمل فيه انتظارك
و أبي ليل .. مايجي بعده نهارك
ودي أدري..هي حياتي اختياري..أو اختيارك
ودي أنسى..ليلة وعدك..أنسى وعدك..ما أجيك
وش يضرك .. لو أخونك ..مره و اختارك عليك
لاهمني قربك ولاهمني رضاك
والله ولا ذكرى بقلبي تجيبك
ليله لقانا حطها حدر ماطاك
عسى وهمها في الليالي نصيبك
وكتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه
ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار
ان كان قصدك تجرح الروح وتروح
عندي كفايه مابقى من جروجي
وان كان غرك قولت الناس مملوح
هذي عبارة ماتناسب طموحي
قال لو حبيت غيرك وش تقول؟
قلت احاول قد ما اقدر امنعك
قال لو عيت تطاوعك الحلول ؟
قلت أحبه يابعد عمري معك !
انا بليت بحبكم من هبالي .
ولا انت ظلن مالنا فيه منزال .
خيرك لغيري والشقا والعنا لي .
والمشكل انا فاهمن كل الاحوال
يا صاحبي خذ للحبيب رسالتي
فعسى يرى بين السطور الأدمعا
بلغه أني في الغرام متيم
والقلب من حد الفراق تصدعا
أحبج مصنوعة من سكر فتاك
قد سمعت بحياتك سكرٍ يذبح؟
أنا كذا أذوقها ليمن نطقها فاك
لذيذة لذة في هالحشا تجرح
كرر أحبج وعدها لي جعلني فداك
كانك تكرمت ياروحي ولو تسمح
وشلون تلعب بطعم السالفة بشفاك؟
تجذب مسامع حبيبك لين مايسرح
ماني مقصر وان تخاذلت قلي
والله لا احطك بعيوني واغطيك
من ذاق مر [ندعوك للتسجيل في المنتدى أو التعريف بنفسك لمعاينة هذا الرابط]لازم يحلي
مرمرتني في عيشتي وين حاليك؟
خل العناد اللي براسك يولي
اخاف لاتصغر بعيني واخليك
لعنبو قصـة غرام كل ابوها كلمتين
ابتدينا عند احبك وانتهينا عند باي
تونا ما بعد مشينا فالهوى لو خطـوتين
وانتهى الموضوع كله حتى ماأعرف ويش خطاي
انتهى الموضوع هيك بكل سهوله تحكمين
وين احبك؟ويـن اريدك؟وين ساكن في حشاي؟
ليتني دم بوريدك أدخل القلب واشوف
هل انا ساكن بوسطه او احد غيري لفاه
ليتني حبر بيدينك اقلب افكارك حروف
اكتب اللي قد كتمته وما تبي غيرك يراه
ليتني ظل بنهارك ليتني بليلك طيوف
اسهر الليل بخيالك واسمعك لا قلت آه
ليتني كلك وكلك..ليتك بحالي تشوف
غيرة العاشق مصيبه والمصيبه في هـواه
أخوض ُ الليل في سهدٍ وقومُُ طاب مرقدهم
فأي الدهرُ أبكاني وكيفَ الدهر ِ أسعدهم
لأجل ِ العين ِ تبكيهم فأجفاني تناشدهم
يغيثوها من الدمع ِ أليس َ الدمع ِ موردهم
ياراحلاً وفؤادي في حقيبته
وهناً لديه لكن غير مضمون
تركتني في شجوني للورى مثلاً
يميتني الوجد والأشواق تحييني
أسافر في عينيك أبحث عن مأوى
أيا رحبة الأحداق ياعذبة النجوى
نسيت على أهدابك السود عالمي
وحلَّقت مشتقاً مع الأنجم النشوى
أبحرية العينين وردية الشذى
تحرضني أمواج عينيك أن أهوى
ماهي بالعادة وينك.. عسى العلم خير؟
ليه نايم حبيبي قبل لا أسمع أحـبك؟
بين كيف ولماذا .. لذت بأقصى الزفير
احتريت اتصالك واستحيت اتصل بك
ما تخّـيلت أنام وما تكون الاخير
تسمع أنفاس قلبي ضحكتين بقربك
نام..تصبح حبيبي على الف خـير
صحني لما تصحى انا نايم بقلبك!
