زنجيل ابوذيه :: حب من اول نظرة السلام عليكم و اجي بكل يوم يم دارج و امرهه و عشگت الحلو بعشرتنه و مرهه خطية الروح حيرانه و امره صفه بأيدچ دشوفي شلون حالي علية الضيم بس لايگ و حالي القهر ماضي البشر كلهه و حالي فقط وياي شو صاير و حاضر و صرت استاذ باحزاني و احاضر على استعداد دوم ابقى وحاضر انفذ كل طلب منچ باشاره يهالوجهچ سمح كله بشاره اجيتي من السما انتي بشاره و جبتيلي الفرح كلة و خيره بغيابچ روحي مغلوبه و اخيره سحر سويت انا لاجلچ و خيرة تشوف شينفع بحبچ وسيلة و يفيد اهمل دمع عيني و اسيلة اناشد هالگلب صدگي و اسيله غيرچ بيه احد منتسبله ؟ و يحب روحچ تمدحه و من تسبله سألني الگلب تدري من تسبلة شعرهه شلون چنه بليل حالك و اريد انشد عن اخبارك و حالك دگلي بحبهه انت احد وحالك لو گلي محبتك هاي فطره و تعال و شوف گلبي شوسع فطره صايم بالحزن ما شاف فطره و مرض و انت محبتك مرهم النه و جفاك الروح صدگ مرهم لنه حبيبي شبيك تجفي مر هملنه عليك عيون مو دمعه و اعدي و بعد ما ينفع حسابي و عدي عندي اصحاب بالجملة و عندي فقط محبوب انت و گلبي مالك و تناشدني و تگلي شبيك مالك ؟ احاچي الكون كله لساني ما لك و يم روحك تلكأ خاف منهه و محبتك ما عرفنه الخافي منهه منه صغيرة عندي خاف امنهه عليك و ما تحب المنه بينه و لا نرضه نزعل المنه بينه الوصايا انت تعرفهه المن نبينه لو رايد اعلمك و افهمنك يلي برقتك ماكو و افهه منك اذا انت تگول فاهم و افهم انك فهمت المسأله شمالك يخلي چفك بالگلب خنجر يخلي و يشوف جروح البگلبي و يخلي بجروحه و حسرته و خنجر ترك بي و چفوفك اجت و بزايد ترك بي ولك حبنه فرع واحد ترك بي يأما ان تتركه و ان تحله و يأما ان تشده و ان تحله طفل عريان گلبي و انت حله تعال ارجوك وك استر عورته و تذكر شون بغيابك عورته ولك عينين چانتله و عورته لمن رحت و تركته و صار عامي و الك مخصوص چان و صار عامي وك مو عام واحد صار عامي صار اعوام نار و انت جنه و سكن جني بدليلي و انت جنه دخيلك دحچي يسمر و انتجنه شهد صافي و اظن حچيك شهد بي و تريد اترك و اهد حبك شهد بي اذا گلبك اقر ليه و شهد بي حبي شلون هسه تريد اهمله و انا الدمعي فقط لجلك اهمله چنت يا ناس بالشدات اهمله و من طحت بشدايد مره شدهه لحد مالروح شطت من رشدهه احل مرة محبته و مرة اشدهه و مرة اندم على اللجله ضحيته و احس الروح شو چنهه ضحيته سوة صارت مسيته وي ضحيته و سواد الدنيا بعيوني تراكم و بعد العيون ما تگدر تراكم لان صار الرمد بيهه ترا كم و اناشد يمته تشفه من رمدهه و اجر بالونة مرة و مرة امدهه اجو عذال بعدك مرم ادهه من أي عاذل بهذا الكون كله يالمنك نسجت بگلبي كله تريد اترك و ابطل شوگ كلا اظل للموت احبك وك هويتك و دليلي بنار ما اهوي هويتك صدگ يفلان ما اعرف هويتك و لكنك صرت لية هويه | |
2 مشترك
زنجيل ابوذيه :: حب من اول نظرة
سنفـ ـ حي أور ـ ـور- نائب العام
شيخ الحدايق
- مساهمة رقم 1
زنجيل ابوذيه :: حب من اول نظرة
abbas_assd- المدير العام
- مهندس
- مساهمة رقم 2
رد: زنجيل ابوذيه :: حب من اول نظرة
شهد صافي و اظن حچيك شهد بي
ونته اصفه من الذهب يذهب عاشت الايادي
ونته اصفه من الذهب يذهب عاشت الايادي